ការអភិវឌ្ឍធនធានមនុស្សលើវិសយ័ ទេសចរណ័ ផ្តោតលើការបណ្តុះបណ្តាលបុគ្គលិក១ នាក់ ជំនាញ ១
(ខេត្តព្រះសីហនុ) ដើម្បីចូលរួមអភិវឌ្ឍន៍ធនធានមនុស្សនិងលើកកម្ពស់គុណភាពសេវាកម្មទេសចរណ៍ឱ្យបានកាន់តែល្អប្រសើរក៏ដូចជាបំពេញតម្រូវការ
របស់ភ្ញៀវទេសចរ ដែលមកកម្សាន្តនៅខេត្តព្រះសីហនុ មន្ទីរទេសចរណ៍ខេត្តសីហនុ បានសហការជាមួយអង្គការហុកកា បើកវគ្គបណ្ដុះបណ្ដាលដល់បុគ្គលិក បម្រើការនៅក្នុងឧស្សាហកម្មទេសចរណ៍ ជាពិសេសលើសេវាកម្មស្នាក់នៅ និងម្ហូបអាហារនិងភេស្ជជៈ ដោយអនុវត្តតាមកម្មវិធីបណ្តុះបណ្តាលរបស់ហុកកា និងបង្រៀនដោយគ្រូបង្គោលស្តង់ដាអាស៊ានដែលមានចំណេះដឹងនិងបទពិសោធន៍ខ្ពស់ ដោយមានការទទួលស្គាល់ពីក្រសួងទេសចរណ៍ ដែលធ្វើឲ្យការបណ្តុះបណ្តាលទទួលបានលទ្ធផលល្អប្រសើរ។
មន្ទីរទេសចរណ៍នឹងបន្តខិតខំប្រឹងប្រែងសហការជាមួយអង្គការ Hoka ក៏ដូចជាអង្គការនានា វិទ្យាស្ថានបណ្ដុះបណ្ដាលផ្សេងៗ និងនាយកដ្ឋាន
បណ្ដុះបណ្ដាលធនធានមនុស្សនៃក្រសួងទេសចរណ៍ដើម្បីជម្រុញការបណ្តុះបណ្តាលនេះឲ្យកាន់តែទូលំទូលាយបន្ថែម ទៀត ធ្វើយ៉ាងណាឲ្យបុគ្គលិកដែល បម្រើការក្នុងឧស្សាហកម្មទេសចរណ៍
ទទួលបាននូវការបណ្តុះបណ្តាលគ្រប់ៗគ្នា និងសម្រេចបាននូវគោលការណែនាំរបស់ក្រសួងទេសចរណ៏បុគ្គលិក ១នាក់ ជំនាញ ១៕
